遠聲彈閘花絮 24/9

未講彈閘之前，阿拉首先要讚一下澳門賽馬辦事效率，日前已率先宣佈，由於下星期四為國慶日公眾假期，故原定於當日之彈閘，將提早九月三十日進行。而是次彈閘之報名，亦將於下周二上午十時三十分截止，此舉對圈內及公眾人仕皆利便也。

是朝烽火台氣氛熱鬧，周末有沙草混合賽事，發財機會又到。 第一組，“黃金之星”、“百事盈”及“潛鋒臻智”三駒天下。一起步，“黃金之星”與“百事盈”躍出較快，助手的“潛鋒臻智”稍為後一些。如此次序，維持到大屏幕。諾兄殺得性起，突然發難，韁繩輕揚，即見其座騎“黃金之星”疾衝而上。三幾個箭步，已定江山。眼見火氣充裕，出腳利落，且馬兒型格漂亮，狀態及時操起，值得存記。

李家輝廄馬王“百事盈”，走來並不比前者曳，只是鞍上人不動聲色，未有認真地去考驗。今課隨意一試，走勢硬朗有勁有力。論馬近況肯定夠勇，居頂班領導群雄，分分鐘可以殺出澳門。

星哥的“潛鋒臻智”，試來與前駒錢仔剛剛相反。助手真傢伙畀足心機去試，雖終點前才能力保三甲，其實已盡所能。論態不俗，計實力卻非太高。現居三班發展空間有限，位置馬而已。

第二組，輪到馬女世界，鄭陳聯軍“珊瑚星座”出試。閘門打開，即見佢第一匹跳出，就此放領回來，全程不費吹灰之力。此馬試來神生力足，日益成熟有進展。今次出賽，不能輕視。

至於昌哥仔“醒目開心”，亦非泛泛之輩。沿路咬緊前駒，以馬論馬，體力充沛，健康穩定。今課試來氣定神閒，現階段已呈勇態，小心！小心！

有件心水不如拿出來與各位研究?，“謙帥”今次彈閘都有佢份。此駒頭段一向不會太快，但每次走勢都甚有睇頭。特別是今趟衝到對面馬房，確有些收唔住掣咁款。過去雖有傷患，但既然近況轉佳，臨場倘有分頭，不妨拖多一票。

講到呢度啱啱夠鐘，阿拉響呢度同各位講聲再會！