遠聲彈閘花絮 1/10

國慶大日子關係，本周彈閘提前一天進行，變為一連兩天分別有大細閘，看過目不暇給。周三雨過天陰，初秋氣氛濃厚，距離中秋節不足三天，正是試馬好日子。阿拉精神奕奕，一早文裝到場觀看，全朝共有三組馬出試。一共十九駒，各路人馬積極。

第一組，前打比冠軍〝嘉林之寶〞退出，擾攘一輪，此駒已轉投劉仁傑，期望有第二春。就哥仔“喜得利”，速度飛快人所共知。今試保持作風，擺個牌仔卡格斯上去。座騎人馬合拍，自然走得舒服，就此一放而回。看來近期出賽安排，亦會如法減磅炮製。同組馬匹，以李家輝“喜勁歡笑”最標青。杜西奧出閘敏捷，留住在第二位走，真正試準。

第二組六駒，“勁獎”試來有前有後。可能係張明光出擊第二梯隊，益晒王峻鋒，在季初畀匹弗馬佢騎，大家可揸定銀紙了。冼文諾無寶不落，今次垂青〝魅力光輝”。此馬走勢有前有後，是近期最靚一次。老馬〝風雲萬里〞今非昔比，英雄自古如名將，不許人間見白頭。

第三組，大家要留意一匹快馬，乃“歐洲快駒”。此馬出腳快而密，走中外檔直領到底，有餘未盡。錢健明與李家輝合作愉快，有機會憑此駒擦出火花，言盡於此。“浩勝光輝”由黃北如操刀，沿途清風送爽，看來可及鋒而試。此組“A112”亦搶鏡。阿拉喜其形格靚仔。此駒只得五成狀態，待上力後必有表現。