遠聲彈閘花絮 17/9

一連兩天看大細閘，馬圈中人叫試閘做「大閘」，騎師要穿上綵衣進行。彈閘則叫「細閘」，不用穿綵衣，但認真處如一。新馬季第二次試閘，昨早舉行，阿拉兩朝睇足六組大細閘，意猶未盡，感覺不亦樂乎。

最勤力者非錢健明莫屬，第一個到場，最後一個離場，試馬之外，尚分別與摩加利及就哥仔討論軍情，一切阿拉看在眼內，小子有前途。彈閘一共編排兩組，仍在初秋陽光下進行。第一組出馬八匹，李家輝“小魔法”節節爭先，試來步活神生，阿拉認為，此駒作戰狀態理想，而且保持勇銳。今課由冼文諾操刀，出閘第四，迅即踴上，並以第一名衝過終點，試來令人賞心悅目，乃季初追捧對象。

同馬房“鴻溢之星”有所不及，小休仍略有疲態，走來較為怠慢，狀態未對辦，看來何華麟要省牠多一課。〝水晶〞譚文就用錢健明，閘前反應敏捷，論馬在此班可站穩陣腳，趁機出擊更妙。

第二組亦是八駒，許國昌“金三寶”由徐錦輝主操，饒具速度，出閘前領到底，進步一日千里，此駒已有作戰水準，看昌哥仔何時出擊令下。李家輝〝東方盈輝〞力追不及，今次唔夠前駒「揮」，陣上碰頭則未知鹿死誰手。

同馬房“小特工”表現強勁，今課守住第三名返來，杜西奧力掩鋒茫，有心交代了。〝好醒目〞與周松真合拍，輝哥仔三英挑戰呂布，今試狀態出色，且看可否在季初即有表現。