遠聲彈閘花絮 28/1

本周雖只跑一次沙草地混合夜賽，但周四彈閘氣氛熱鬧。在天氣回暖下，彈閘編為三組，出試馬共二十匹，頗有瞄頭，約半句鐘便順利完成。試前等待上馬時，華籍騎師錢健明與練馬師譚文就密密勘，內容當與座騎有關，稍後留意動態為宜。

第一組最突出者梁國浩馬房〝秘密任務〞，〝A〞字系列質新馬，形格有番咁上下靚仔，由林凱策騎，馬匹狀態良好，跑來速度銳利，氣定神閒，率先衝過終點。師兄錢健明為〝硬仲硬〞操刀，出閘第二，跑落有良好反應，沿途以相同名次彈畢，狀態保持，兩匹同馬房同年份馬，隨時可以爭功，並佳皆妙。

第二組出馬七匹，魏行孝未命名馬〝A一○五〞，評四十五之分馬有心前領，為爭取表現而來。多操下馬匹上力漸足，試來步活神生，沿途走勢順暢，此駒交由殺手路易斯策騎，可及鋒而試。簡炳墀馬房〝妙不可言〞緊守第二位，不過不失。譚文就〝明冀〞轉此組列陣包尾而回，無甚瞄頭。

第三組“如來”出閘第二，反應敏捷，策騎者是李健銘，座騎狀態起得理想，首仗出閘時不規矩，純與當時受嘈音影響，張劍星馬房又一良駒。劉仁傑〝浩勝光輝〞在認真考驗下，沿途走勢可人，已可派用場。〝駿財〞試來無咎無譽，沿途走勢一般，觀感平平。至於“飛虎將軍”出閘第五，反應略嫌緩慢，策騎者陳元昌，闖勝利之門指日可待。