遠聲試閘花絮 19/1

本周只跑一次沙地夜賽，形成周二試閘極為熱鬧。在天色晴朗下氣，試閘共編為五組，出試馬共三十五匹，極為踴躍，至接近十時才順利完成。華籍騎師錢健明從英國協助買馬回防，立即親自操騎，成功非僥倖。

第一組試一千米。最突出者摩加利馬房主席馬〝爆料〞，〝爆〞字系列，都是如珠如寶居多，自然有番咁上下斤兩，由高君濤策騎，馬匹狀態冒升，跑來氣定神閒，馬身輕巧。梁國浩馬房〝上佳寶駒〞配風塵僕僕之錢健明出試，出閘第四，跑落有良好反應，以第二名次過終點，狀態有進展，隨時可為馬房爭功。

次組〝太陽生輝〞照例搶放，余健雄爭取表現而來。摩加利靚仔馬〝爆籃王〞，操足而來，馬匹上力漸足，果然有良駒風範，試來步活神生，沿途走勢順暢，此駒交由殺手錢健明策騎，試後二人談個雞啄唔斷。許國昌馬房〝太陽無極〞不過不失。

第三組〝諾言〞退出，變為出馬六匹，獨佔鰲頭者“富貴之星”，此駒出閘後旋即一放到底，速度銳利，策騎者是剛開齋之何華麟，座騎狀態起得理想。許國昌馬房〝南方之星〞，由高君濤操刀認真考驗，沿途走勢可人，已風雨欲來，馬房哀兵上陣有決心。

第四組馬王級〝合浦勇將〞有前有後，譽滿欄邊，果然有高班馬風範，帥印仍交錢健明。〝川陽之寶〞試來有板有眼，沿途走勢順暢，若出賽要留意了，此駒交由牌仔任布利策騎，依足指示以前跟測試。同馬房〝魅力快樂〞觀感平平。

拉士一組〝直擊寶〞退出，出馬仍有八匹，第一名“金日福星”，此駒出閘即放，速度凌厲，策騎者是林凱，與馮耀正師兄弟，質新馬狀態不俗。配售馬〝好求真〞，由梁健偉操刀，認真考驗，沿途走勢可人，脾氣則有待改善。