簡謝聯廄捧盃三捷6/6/2009

澳馬昨舉行八場草地賽完結，本地馬總投注額一千一百餘萬元，轉播十場馬來西亞賽事投注額四百八十餘萬，全日共收一千六百萬餘元。連日天氣好轉，昨賽在好地角逐，過程順利人馬平安。各場戰果冷熱互見，個別場合卻爆至石破天驚，派彩和味。騎師成績仍以洋將佔優，南美一族人人有馬贏，無一落空。練者成績以簡廄中三元兼捧盃最威風。

簡炳墀／謝貴全聯廄昨仗大搏殺，“清晨”交冼文諾操刀，以較佳留放退敵，爆出三十九倍大冷W。此駒排不利十四檔起步，但贏來清脆俐落，騎練合作建奇功。簡廄開餬後，至第三場杜西奧策“白玉飛駒”後上掄元。此駒今仗跑首本路程贏來恰到，人馬合作天衣無縫。簡廄起孖後，第四場重頭戲“澳門短途精英盃”，冼文諾騎“友隆之霸”快放走返。此駒今仗排一檔贏來輕鬆，簡謝聯廄是日捧盃兼中三元，威風八面。騎者冼文諾獨中孖寶，成績不俗。

騎師邵偉華昨仗先拔頭籌，頭場騎梁錫麟廄“愛靈頓”後上取勝。此駒今仗負輕磅出擊，埋門殺敗臨場起飛搏殺的“全球一”，贏得漂亮一仗。

路易斯繼周五晚起孖寶後，昨乘勝追擊，續有頭馬見面。此君騎梁國浩廄“葡京灣”埋門挫敗對手，替幕後人建一功。

史丹利昨日第六場受傷退下火線，其座騎“溢勝快駒”由高君濤做替工，結果憑快放取勝。高君濤冷手執個熱煎堆，喜添頭馬進帳。

夏文利於尾場替何鑑森廄“大蘋果”操刀爆冷，這匹廿六倍冷馬，連贏位搭“魔術匙”派彩逾六千。“大當家”跑第三，三重彩派廿五萬餘冷到震，中者和味。

華將全日僅何華麟一人勝出頭馬，此子騎李家輝廄“白玉名駒”後上取勝，喜添季內第三場頭馬。