高君濤路易斯鮑永弟起孖12/6/2009

昨晚沙地賽事完結，投注額一千五百餘萬。是夜角逐過程大致順利，無意外事故發生。各場戰果冷熱互見，華洋騎師互有馬贏。

高君濤將要停賽，昨夜以帶罪之身上陣搏殺，頭馬新馬“飛電神駿”及“大唐刺客”喜中一口孖寶。前駒初出即勝，快放贏來輕鬆。此駒跑沙地腳法純熟，下次再出仍可追捧。後駒轉倉一出即勝，全程走三疊位贏馬，表現勇不可擋。高君濤是仗高中兩元，成績不俗。

路易斯昨晚有佳作，騎星廄“心境開朗”後上爆冷。此駒今仗排大外檔蝕位下照贏，表現令人矚目。這雙配搭今季取三捷，替星廄建功。路易斯贏完此駒後，尾場再憑劉仁傑馬房“浩勝福將”起孖，全晚中兩元，表現不遜色。

華將鮑永弟昨晚發威，騎星廄“兩益”及“理所當然”喜中孖寶。前駒埋門憑後勁退敵，贏來魚生粥僅僅熟。後駒照辦煮碗，埋門一步將廄侶“大唐公主”擒下，星廄此場包辦馬房Q兼中三元，騎練攜手合作建奇功。鮑永弟喜添季內第八場頭馬。

何華麟昨夜亦有頭馬見面，此子憑李家輝廄“蓮利之寶”後上掄元，爆出十三倍冷W，騎者摘取今季第四場頭馬。