遠聲彈閘花絮 25/2

爆竹聲響過，元宵佳節將近，各路人馬繼續〝馬不停蹄〞。本周編跑兩次賽事，阿拉仍然〝馬不停提〞，而老編自然亦〝馬不停題〞了。周四彈閘氣氛不算太熱鬧。在陽光透射下，彈閘編為兩組，出試馬共十四匹，頗具瞄頭，在半句鐘便順利完成。騎師余健雄復出後，四戰俱取得頭馬，落力非常。

第一組最突出者馮耀正馬房〝捷力飛〞，〝Ｂ〞布系列馬匹，續漸上力，由新進殺手余健雄策騎，馬匹狀態冒起得好，跑來速度銳利，氣定神閒，率先衝過終點。杜西奧為李森〝B○八九〞操刀，出閘第三，跑落有良好反應，在段段皆有下，最後以次名彈畢，狀態理想，兩匹不同馬房同年份馬，隨時可以爭功，並佳皆妙。

第二組跑出時間十八秒七，較第一組快一線，出馬同為七匹，李家輝馬房〝柏文〞，這匹未評分馬出閘敏捷，迅即前領，彈來表現出色。質新馬匹上力漸足。〝東方紳士〞試來步活神生，沿途走勢順暢，此駒亦交由何華麟策騎，可及鋒而試。李家輝馬房〝大霸王〞緊守第五位，不過不失。

張劍星〝黃金神駒〞第二而回，甚具瞄頭，老友記文錦忠又來幫眼，可獲勤力獎。馮耀正“富士山下”出閘第四，反應不俗，狀態起得理想，會是另一匹有用良駒。〝B○七八〞在認真考驗下，沿途走勢普通，暫時未能派用場，闖勝利之門仍需等待。