彈閘花絮 5/11

周日馬會二十周年紀念盛事，先在周三舉行抽籤排位儀式，一眾騎練齊齊俾面出席，阿拉也趁高興敬陪末席，其中兩位身裁高大的練馬師梁國浩及鄒欽華，更是新西裝亮相，重視非常，且看屆時能否捧盃而回。

周四彈閘，編排了兩組，少少地是恰到好處，秋風下各人都表現醒神，阿拉當然全程跟足到實。全朝最勤力的練馬師有梁國浩、蔡寶志、許國昌、賀蘭杜夫、蔡裕意、譚文就及潘富達等。

第一組最高分者梁國浩馬房〝英銘神駒〞，由鮑永弟策騎，跑來感覺平穩，老馬始終有點退化。蔡寶志派遣〝聯一長勝〞出試，這匹評八十四分之馬，出閘雖不快，但跑落有反應，後來居上跑第一而回，狀態勇銳，與鞍上人邵偉華人馬合拍。許國昌〝舞台巨星〞開始上力，今試活力十足，沿途走勢順暢，出賽要留意了。〝勁有利〞轉組而臨，純為遷就冼文諾，試來未見佳處。此組跑出時間十八秒七，水準不俗。

第二組出馬六匹，蔡裕意兩駒中，未命名之“Ｂ十三”出閘反應快，新加坡騎師阿茲斯騎兩步，即見座騎有反應，狀態起得理想。同馬房〝Ｂ十七〞招錦雄策騎，走勢稚嫩，未成氣候。〝心境開朗〞反覆試準，馬房求功心切。“太陽緣份”隨意試試，鞍上人高君濤試完，無甚表情。〝威朗〞包尾而回，全程缺乏走勢，神色平淡。冼文諾堅持要騎〝黃金名駒〞，果然有料到。