遠聲彈閘花絮 15/10

又到周四彈閘時間，全朝陽光普照，令人精神爽利。先讚一下馬會網站，每周大細閘資料，由報名至名次及時間齊備，與阿拉一樣咁落力。全朝試閘一共編排三組，場面熱鬧。見習生彭浩然傷愈復出，繼續以閘代操。練馬師最勤力者，有荷蘭豆、劉仁傑、李家輝、許國昌、梁國浩及鄒欽華等。

第一組錢健明一馬當先，策騎荷蘭豆〝捨得〞由頭放到尾，繼續進步中。今季錢仔走位靈活，線路縱橫，其座騎要加倍留意了。劉仁傑兩駒，“踏浪小子”出閘不快，路易斯留前鬥後有策略，座騎人馬合拍。近期上陣，已要留意。廄侶“飛豹”亦不遜色。狀態雖屬初起，馬房訓練有方，今季必有作為。此組時間一分十八秒三，為各組之冠。

第二組出馬七匹，“勁有利”梁國浩質新馬，鞍上人路易斯，此為有速度之馬，試來有前有後。李家輝慧眼識英雄，〝歐洲快駒〞彈俾錢仔，季初上火上力，可上征途了。〝白玉生輝〞鞍上人正是彭浩然，落力測試，人馬體力俱足。

第三組最快出閘者乃“好勝神駒”。此匹子彈馬，一放到底，有餘未盡，「哈囉喂」鬼節將近，此駒嚇得下人，鮑永弟今次執到寶。“自由城”由高君濤操刀，沿途守於第二位，小試牛刀，座騎狀態已夠。此組其餘各駒無甚瞄頭，最後一提，今朝最早到遲退者，又是錢健明，成功非僥倖。