遠聲港馬花絮 31/5/2009

龍舟水游過，連跑兩次澳門馬及澳門金盃塵埃落定後，今日輪到香港馬登場，月尾糧頭日子，阿拉和大家一樣，囊中有物，感覺特別醒神。

呂健威旗下的〝寶貝〞屬去季來港的插班新馬，開始操練時已近煞科，實際是今季才作正式準備。此馬型格不俗，且見柏寶替其試閘及主課，似相當重視，此駒上次於賽前三周，初次在泥地試閘，結果拋離同試各駒，梁定華〝七星仔〞，泥地短途有一出一捷紀錄，今番重臨贏馬路程，排檔更有助力，是前駒的心腹之患。

全日之戲肉為遮打盃，阿拉睇好〝自由好〞，上仗於女皇盃可後上力逼〝百威勝〞及〝爆冷〞，充分證明卡士，今次亦找來柏寶幫手，的確是策騎此駒最佳人選，可望將其後勁發揮得淋漓盡致。對手方面，當然是曾擊敗〝自由好〞的一對摩廄馬威脅最大，但〝爆冷〞年紀漸長，而〝閒話一句〞由一哩扳上哩半，難度甚高，〝自由好〞有權偷襲。 遠聲提供： 第3場 4寶貝
第8場 3自由好