遠聲試閘花絮 16/6/2009

昨晨兩組試閘，在隆隆雷聲後舉行，真正係好兆頭，所謂一雷天下嚮，發達無限量，各位馬迷只要俾足心機做功課，敬業樂業，馬場是遍地黃金。

試閘過程又濕又滑，第一組四駒列陣，路易斯騎〝易通財〞，此駒變化地好，鬥心更加好，出閘敏捷，沿途追上率先衝過終點，馬匹狀態保持。“碧綠翠”全程在前，上力八九成，黎榮聚寸土必爭，梗會全力以赴既。“君子〞健康正常，杜西奧肯替浩哥策駒，應是可造之材，今課所見此駒出腳及力度有進。

第二組〝眾志成城〞又唔肯出閘，行雷都無有怕，認真辣手，養馬費不菲。〝百事勁〞由華麟仔策騎，見水即生，由頭放到尾，質新馬大有前途。〝瀟洒猛龍〞遇變化地精神，經星哥一番訓練後，絕非善類，隨時可出擊。最後一提〝愚得瀟灑〞，跑法車前倒後，仍難掩其光芒，陣上半冷不可錯過，大家記住，風雨過後，豈會沒有陽光。